MİLLİ MƏCLİS APARATININ RƏHBƏRİ ALMANİYAYA GEDƏCƏKDİR
Sentyabrın 27-dən oktyabrın 3-dək Almaniya Federativ Respublikasının Bremen şəhərində mülki qanunvericiliklə bağlı müzakirələrdə Azərbaycanı Milli Məclis Aparatının rəhbəri Səfa Mirzəyev təmsil edəcəkdir.
Milli Məclisin mətbuat xidmətindən AZƏRTAC-a bildirmişlər ki, Almaniya Texniki Əməkdaşlıq Cəmiyyətinin təşəbbüsü ilə keçiriləcək müzakirələrdə bir sıra hüquqi sənədlərlə yanaşı, “Azərbaycan Respublikasının Mülki Məcəlləsinə əlavə və dəyişikliklər edilməsi haqqında” qanun layihəsi ətrafında da fikir mübadiləsi aparılacaqdır. Səfa Mirzəyev toplantıda çıxış edəcək, qanun layihələri ilə əlaqədar təkliflərini bildirəcəkdir.
Bölmənin digər xəbərləri
