Milli Məclisin deputatı İstanbulda seminarda iştirak edəcək
Bakı, 20 mart, Əsəd Məmmədov, AZƏRTAC
Milli Məclisin hüquq siyasəti və dövlət quruculuğu komitəsinin sədri Əli Hüseynli “Seçkili orqanlar: fəaliyyətin şəffaflığı və cavabdehlik” mövzusuna həsr olunmuş seminarda iştirak etmək üçün martın 25-də İstanbula yola düşəcək.
Milli Məclisin mətbuat xidmətindən AZƏRTAC-a bildiriblər ki, AŞPA-nın prosedur qaydaları, immunitetlər və institusional məsələlər komitəsinin və Türkiyə Böyük Millət Məclisinin birgə təşkil etdiyi bu tədbirin məqsədi parlament üzvlərinin fəaliyyətinin effektivliyini artırmaqdır.
Tədbirdə parlamentarilərin davranış kodeksləri, siyasi partiyaların və seçki kampaniyalarının maliyyələşdirilməsi mövzularında fikir mübadiləsi aparılacaq.
İkinci mövzunun müzakirəsi zamanı seminara Əli Hüseynli sədrlik edəcək.
Səfər martın 28-də başa çatacaq.
Bölmənin digər xəbərləri
