Mingəçevirdəki xəstəxanada cərrahi əməliyyatın düzgün icra edilməməsi fakt üzrə cinayət işi başlanıb
Bakı, 28 fevral, AZƏRTAC
“Mingəçevir Şəhər Mərkəzi Xəstəxanası” Publik Hüquqi Şəxsində cərrahi əməliyyatın düzgün icra edilməməsi barədə müraciət əsasında şəhər prokurorluğunda araşdırma aparılıb.
Bu barədə AZƏRTAC-a Mingəçevir Şəhər Prokurorluğundan məlumat verilib.
Araşdırma zamanı həmin tibb müəssisəsinin mama-ginekoloqu Leyla Cəfərova tərəfindən Aysel Qurbanovanın üzərində həyata keçirilmiş cərrahi əməliyyat zamanı qarın boşluğunda tənzif unudulmasına əsaslı şübhələr müəyyənləşdirilib.
Faktla bağlı Cinayət Məcəlləsinin 314.1-ci (səhlənkarlıq) maddəsi ilə cinayət işi başlanıb.
Hazırda istintaq davam edir.
Bölmənin digər xəbərləri
