Misir KİV-ləri Xocalı soyqırımı haqqında Azərbaycan səfirinin bəyanatını yaymışlar
Əmman, 24 fevral (AZƏRTAC). Misirin “Əxbarəlyoum” internet nəşrində Xocalı faciəsinin 22-ci ildönümü ilə əlaqədar Azərbaycanın Misirdəki səfiri Şahin Abdullayevin bəyanatı dərc olunmuşdur. Bəyanatda qeyd edilir ki, 1992-ci ilin fevralında Azərbaycanın Xocalı şəhərinin dinc əhalisi Ermənistanın silahlı qüvvələri tərəfindən misli görünməmiş soyqırımına məruz qalmışdır.
Qeyd olunur ki, bu faciəyə və sarsıntılara baxmayaraq, Azərbaycan dinamik inkişaf və tərəqqi edən, inkişaf etmiş iqtisadiyyata malik bir ölkə qurmuşdur və bu ölkə sürətlə inkişaf etməkdədir. Ş.Abdullayevin sözlərinə görə, ölkəmiz həmçinin keçid proseslərini uğurla keçmiş və qısa bir zamanda öz valyuta ehtiyatlarını xeyli artırmışdır. Hazırda bu ehtiyatlar 50 milyard dollardan çoxdur. Bəyanatda bildirilir ki, Azərbaycan iqtisadiyyatına birbaşa investisiyaların məbləği 170 milyard ABŞ dollarına çatmışdır. Diplomat demişdir: “Bu, açıq-aşkar təsdiq edir ki, qısa müddətdə bu rəqəmlər iki və ya üç dəfə artacaqdır”.
Asya Hacızadə
AZƏRTAC-ın xüsusi müxbiri
Əmman
Bölmənin digər xəbərləri
