MİSİR MƏRDANOV YUNESKO-DA ÇIXIŞ ETMİŞDİR
Forumda Cənubi Qafqaz ölkələrindən yalnız Azərbaycan təmsil olunmuşdur.
Təhsil naziri Misir Mərdanov “Azərbaycan təhsil strategiyasında davamlı inkişaf” məruzəsi ilə çıxış edərək, Azərbaycanda təhsil sisteminin vəziyyətindən söhbət açmışdır.
O demişdir ki, ölkəmizdə Dünya Bankının ayırdığı kredit hesabına 2003-2007-ci illərdə təhsilin inkişafı layihəsi həyata keçirilir. İslahatlar əsasən, ümumi təhsilin keyfiyyətinin artırılması və real tələblərə uyğunlaşdırılması istiqamətində aparılır. Son üç ildə respublika məktəblərinin bütün siniflərində şagirdlər dərsliklərlə pulsuz təmin edilmiş və onların təhsil almaları üçün bərabər imkanlar yaradılmışdır. Məktəblərin kompüterləşdirilməsi ilə əlaqədar xeyli iş görülmüşdür. Bundan əlavə, Təhsil Nazirliyi 30 ölkə ilə əməkdaşlıq edir, 20-dən çox təşkilatla 60-dan çox birgə layihə və proqram gerçəkləşdirir.
Bölmənin digər xəbərləri
