Misir ordusu Sinay yarımadasında 10 terrorçunu öldürüb
Bakı, 10 fevral, AZƏRTAC
Misir ordusu terrorçuların Sinay yarımadasında silahlı hücumunun qarşısını almaq məqsədilə hərbi əməliyyat həyata keçirib. Saatlarla davam edən atışma nəticəsində İŞİD-lə əlaqəli olan 10 terrorçu məhv edilib.
AZƏRTAC “Egyptindependent” nəşrinə istinadla xəbər verir ki, bu barədə Misir Silahlı Qüvvələrinin sözçüsü Tamer əl Rəfayi məlumat verib. Onun sözlərinə görə, terrorçu qruplaşmanın hücumları dəf edilib və onların dörd texnikası sıradan çıxarılıb. Döyüşlərdə Misir ordusunun beş əsgəri də həlak olub.
Tamer əl Rəfayi bildirib ki, ordu və polis qüvvələri bu ərazidə kök salmış terrorçu qruplaşmanın zərərsizləşdirilməsi üçün hərbi əməliyyatları davam etdirəcəklər. O əlavə edib ki, təhlükəsizlik qüvvələri təkcə Sinayda deyil, Misirin bütün ərazisində terrorizmin kökünü kəsmək niyyətindədir.
Bölmənin digər xəbərləri
