MİSİRDƏ DÜNYA AZƏRBAYCANLILARININ HƏMRƏYLİYİ GÜNÜ QEYD OLUNMUŞDUR

29.12.2005 [21:51]
Çap et
A⁺ A^-

Ölkəmizin Misir Ərəb Respublikasındakı səfirliyindən AZƏRTAC-a verilən məlumata görə, 31 dekabr – Dünya Azərbaycanlılarının Həmrəyliyi günü münasibətilə bu ölkədə təhsil alan, işləyən və daimi yaşayan soydaşlarımızın iştirakı ilə tədbir keçirilmişdir.

Səfir Faiq Bağırov bu bayramın dünya azərbaycanlılarının birliyi və həmrəyliyini əks etdirməklə, soydaşlarımızın Azərbaycan dövlətçiliyinə, milli mənəvi dəyərlərimizə hörmətini, tarixi Vətənə bağlılıq ideyalarını nümayiş etdirdiyini demişdir.

Bu tarixin ilk dəfə ümummilli liderimiz Heydər Əliyevin bayram elan etdiyini diqqətə çatdıran diplomat, 2001-ci ildə Bakıda Dünya Azərbaycanlılarının I qurultayının keçirilməsinin də ulu öndərin adı ilə bağlı olduğunu bildirmişdir.

Səfirlik Dünya Azərbaycanlılarının Həmrəyliyi günü ilə əlaqədar məlumat hazırlayaraq, Misirdə akkreditə olunmuş diplomatik korpusa və ölkənin Xarici İşlər Nazirliyinə göndərmişdir.

MİSİRDƏ DÜNYA AZƏRBAYCANLILARININ HƏMRƏYLİYİ GÜNÜ QEYD OLUNMUŞDUR

MÜƏLLİFLƏ ƏLAQƏ

Bölmənin digər xəbərləri