MMA döyüşçümüz Nəriman Abbasov növbəti görüşünü keçirəcək
Bakı, 6 aprel, AZƏRTAC
Azərbaycanın və “Qəbələ” idman klubunun MMA döyüşçüsü Nəriman Abbasov növbəti görüşünü keçirəcək.
AZƏRTAC xəbər verir ki, idmançımız Moskvada təşkil olunacaq “AMC Fight Night100” döyüş gecəsində iştirak edəcək. Aprelin 10-da baş tutacaq qarşılaşmada N.Abbasovun rəqibi Rusiya təmsilçisi Şamil Amirov olacaq. Yüngül çəki dərəcəsində (70,3 kq) çempion kəmərinin sahibi olan idmançımız titulunu qorumaq üçün mübarizə aparacaq.
Lujnikidəki görüş N.Abbasovun 29-cu sınağı olacaq. O, indiyədək keçirdiyi 28 döyüşdən 25-də qalib gəlib. Təmsilçimiz son 10 qarşılaşmada qələbəyə sevinib.
Xatırladaq ki, idmançımız ötən ilin sentyabrında baş tutan son sınağında Mixail Qoqitidzeni məğlubiyyətə uğradıb.
Bölmənin digər xəbərləri
