MONİTORİNQ KOMİTƏSİNİN YIĞINCAĞINDA
AZƏRTAC-ın xüsusi müxbiri xəbər verir ki, yanvarın 24-də Avropa Şurası Parlament Assambleyası Monitorinq Komitəsinin yığıncağında Azərbaycan nümayəndə heyətinin mandatı ilə əlaqədar məsələ müzakirə edilmişdir. Nümayəndə heyətinin rəhbəri Səməd Seyidov yığıncaq barədə məlumat verərək bildirmişdir ki, bu məsələ AŞPA-nın yanvarın 25-də keçiriləcək iclasında müzakirə ediləcəkdir.
Onun sözlərinə görə, iclasda məsələ ilə əlaqədar səsvermə olacaqdır. Monitorinq Komitəsi elan etmişdir ki, Azərbaycanda mayda nəzərdə tutulan təkrar parlament seçkiləri demokratik prinsiplərə uyğun başa çatarsa, məsələyə ümumi şəkildə yanaşılacaqdır.
Monitorinq Komitəsi bu məsələnin gündəmdən çıxarılmasını tövsiyə etmişdir.
S.Seyidov əmin olduğunu bildirmişdir ki, Azərbaycan nümayəndə heyəti səsvermə hüququndan məhrum edilməyəcəkdir.
Bölmənin digər xəbərləri
