Monreal, Monza və San Paulo traslarında təcrübə yarışlarının keçirilməsi planlaşdırılır
Bakı, 10 fevral, AZƏRTAC
“Liberty Media”nın rəhbərliyi 2021-ci il mövsümündə Formula 1-in 3 mərhələsində təcrübə xarakterli şənbə yarışları təşkil etmək istəyir.
AZƏRTAC “RaceFans” nəşrinə istinadla xəbər verir ki, bu məsələ ilə bağlı səsvermə fevralın 11-də keçiriləcək. Təklifə görə, təcrübə xarakterli şənbə yarışlarının təşkil ediləcəyi 3 Qran-Pri yarışının seçmə mərhələsi həftənin beşinci günü baş tutacaq. Nəticədə, şənbə günü keçiriləcək sprint yarışı üçün şəbəkə formalaşacaq və yekun nəticə öz növbəsində bazar günü keçiriləcək start düzülüşünü müəyyən edəcək.
Təcrübə yarışlarının Monreal (Kanada), Monza (İtaliya) və San Paulo (Braziliya) traslarında keçirilməsi planlaşdırılır.
Bölmənin digər xəbərləri
