Monteneqro Prezidenti Filip Vuyanoviçdən
Zati-aliləri!
Azərbaycanın milli bayramı - Respublika Günü münasibətilə Sizə səmimi təbriklərimi çatdırıram.
Azərbaycan və Monteneqro arasında hər zaman səmimi və dost münasibətlər mövcud olmuşdur. Böyük məmnuniyyətlə vurğulamaq istərdim ki, yüksək səviyyəli qarşılıqlı səfərlərimiz hərtərəfli əməkdaşlığımıza ciddi təkan vermiş və ölkələrimiz arasındakı əlaqələri dünyada dostluq və əməkdaşlığın örnəyinə çevirmişdir. Monteneqroya rəsmi səfəriniz zamanı Bəyannamənin imzalanması qarşılıqlı anlaşma və etimadın göstəricisidir. Əminəm ki, gələcək əməkdaşlığımız dövlətlərimiz və xalqlarımız arasındakı əlaqələri daha da möhkəmləndirəcəkdir.
Möhtərəm Prezident, Sizə möhkəm cansağlığı və ali vəzifənizin icrasında uğurlar arzulayıram.
Filip Vuyanoviç
Monteneqro Prezidenti
Bölmənin digər xəbərləri
