MOSKVADA ATƏT ÖLKƏLƏRİ XİN BAŞÇILARININ NÖVBƏTİ ZİRVƏ GÖRÜŞÜNƏ HAZIRLIQ GÖRÜLÜR
ATƏT-in baş katibi Rusiya XİN-in başçısı Sergey Lavrovla görüşmüşdür. Görüşdə Rusiya tərəfi bildirmişdir ki, Moskva ümid edir ki, işçi qrup ATƏT-in Nazirlər Şurasına konkret qərarlar hazırlayacaqdır. Rusiyanın fikrincə, bu təşkilatın baş katibinin rolu gücləndirilməlidir.
RF XİN-in İnformasiya və mətbuat departamenti bildirmişdir ki, sentyabrın 12-13-də Vyanada keçirilmiş yüksək səviyyədə hökumətlərarası məsləhətləşmələrin yekunlarını nəzərə alaraq, əsas diqqət qarşıdakı Lyublyana görüşü ilə əlaqədar ATƏT-in yenidən təşkili ilə bağlı problemlərə yönəldilmişdir. XİN-in məlumatında deyilir ki, bir sıra məsələlər barədə, o cümlədən ATƏT-in siyasi gündəliyinin təzələnməsi, onun kollektiv rəhbər orqanlarının möhkəmləndirilməsi, Təşkilata hüquqi səlahiyyət verilməsi, habelə Katibliyin işinin yaxşılaşdırılması, təsisatların və səhra missiyalarının fəaliyyətinin səmərəliliyinin yüksəldilməsi, dəqiq prosedur qaydaları qoyulması, büdcənin və ödəmə cədvəllərinin formalaşdırılması sisteminə yenidən baxılması barədə ətraflı fikir mübadiləsi aparılmışdır.
Bölmənin digər xəbərləri
