MOSKVADA ƏRƏB MƏDƏNİYYƏTİ HƏFTƏSİ AÇILMIŞDIR
Açılış mərasimindən öncə ərəblərin gündəlik həyatı və mədəniyyəti ilə tanış olmağa imkan verən rəsm əsərləri, fotoşəkillər, eləcə də milli geyimlər nümayiş etdirilmiş və tələbələr tərəfindən təşkil olunmuş viktorina keçirilmişdir. Həftənin proqramına Yaxın Şərqin tarixinə, mədəniyyətinə, dininə və müasir problemlərinə dair konfranslar daxildir. RXDU-da bu cür mədəniyyət həftəsi beşinci ildir keçirilir.
Agentlik bildirir ki, tədbirin gedişində islam dininin ərəb mədəniyyətindəki roluna, demək olar, toxunulmur. Bu, mədəniyyət həftəsinə, daha çox, siyasi xarakter verir. Çünki müasir ərəb milləti məhz İslam dininin təsiri altında formalaşmış və ərəb mədəniyyətinin əsası olan ərəb dili məhz onun sayəsində inkişaf edərək, geniş vüsət almışdır. Tədbirdə bu faktın “nəzərdən qaçırılması” azı təəccüb doğurur.
Bölmənin digər xəbərləri
