MÜƏLLİF MAHNILARI FESTİVALI DAVAM EDİR
AZƏRTAC xəbər verir ki, IV Bakı müəllif mahnıları festivalı çərçivəsində Rəşid Behbudov adına Mahnı Teatrında tanınmış Rusiya şairi və bardı Yuri Lores çıxış etmişdir.
Tənqidçilərin fikrincə, Y.Loresin poeziyası bütöv bir kainat, özü isə həyatın mənasını insanlara izah edən vasitəçidir. Bu, həqiqətən belədir, çünki müəllif şeirlərində və mahnılarında çox əhəmiyyətli mövzulardan dəbdəbədən, müqayisələrdən uzaq, sadə və anlaşıqlı dildə söhbət açır.
Y.Lores etiraf edir ki, hər hansı mövzuya, məsələn, Bibliya mövzusuna onda marağın necə oyanmasının səbəbini özü də bilmir. Deyir ki, sadəcə yaşayırsan, müşahidə edirsən, düşünürsən, qiraət edirsən, həyəcan keçirirsən, araşdırırsan, nəhayət, anlayırsan ki, cavabı məsələnin kökündə axtarmaq lazımdır.
Gənclər cə İdman Nazirliyinin dəstəyi ilə keçirilən müəllif mahnıları festivalı iyulun 10-dək davam edəcəkdir.
Bölmənin digər xəbərləri
