MÜRTƏZAQULU XAN ŞAMLUNUN DİVANI MÜASİR ƏLİFBA İLƏ ÇAP OLUNMUŞDUR
Şah Səfi və II Şah Abbasın hakimiyyəti dövründə yüksək dövlət vəzifələrində çalışmış şairin 1669-cu ildə tamamladığı və 839 beytdən ibarət bu divanı həmin dövr poeziyamız haqqında əlavə məlumatlar əldə etməyə imkan verir.
Divanın nəsrlə yazılmış dibacəsində müəllif göstərir ki, fars dilində çoxsaylı şeirlər yazmış, yaşının ixtiyar çağında ana dilində divan tərtib etmək qərarına gəlmişdir. Şeirlərindən Mürtəzaqulu xan Zəfərin Səfəvi xanədanına sadiq, Füzuli və Xətai yaradıcılığından təsirlənən bir şair olduğunu görürük.
Əlyazmalar İnstitutu direktorunun müavini, filologiya elmləri namizədi Paşa Kərimov şairin Türkiyədə saxlanılan divanı əsasında əsəri müasir Azərbaycan əlifbası ilə çapa hazırlamış və ona ön söz yazmışdır.
Kitabın redaktoru institutun elmi işçisi Arif Ramazanovdur.
Bölmənin digər xəbərləri
