MÜSƏLMAN QIZLARIN MƏKTƏBDƏN ÇIXARILMASI KÜTLƏVİ XARAKTER ALMAQDADIR
AZƏRTAC-ın xüsusi müxbiri xəbər verir ki, Fransada məktəbə baş örtüyü ilə gəlməyi qadağan etmiş qanunla razılaşmayan müsəlman qızlar tədris ilinin ilk günlərindən ciddi maneələrlə qarşılaşmışlar. Baş örtüyünü çıxarmaq tələbinə əməl etməyənlər dərslərə buraxılmır və məktəblərdən çıxarılırlar. Təkcə keçən həftə Normandiya departamentinin Qan şəhərində dörd, Burqond departamentinin Makon və Vilörbən şəhərlərinin kolleclərinin hər birindən bir qız intizam şurasının qərarına əsasən məktəblərdən xaric edilmişlər. Alzas bölgəsində də xaric edilən qızların sayı artmaqdadır.
Müsəlman qızlarının məktəblərdən çıxarılmalarına etiraz əlaməti olaraq Strasburqda nümayiş keçirilmişdir. Nümayiş iştirakçıları hökumətin baş örtüyü ilə məktəbə gəlməyi qadağan etmiş qərarını insan huquqlarını pozmaq kimi qiymətləndirmiş, qızların məktəblərdən çıxarılması hallarına son qoyulması tələbini irəli sürmüşlər.
Bölmənin digər xəbərləri
