Musiqisevərlərə yeni kitab
Bakı, 6 fevral, AZƏRTAC
Mədəniyyət və Turizm Nazirliyinin dəstəyi ilə “Bilqeyis xanım Məmmədova-Qarayeva haqqında xatirələr. Mənalı ömrün salnaməsi” kitabı nəşr olunaraq musiqisevərlərin ixtiyarına verilib.
Nazirlikdən AZƏRTAC-a bildirilib ki, bu kitab Azərbaycan musiqişünaslıq məktəbinin görkəmli nümayəndəsi, həyatını pedaqogika və musiqi elminə həsr etmiş sənətkar Bilqeyis Məmmədova-Qarayeva haqqındadır. Nəşrdə, həmçinin sənətkarın zəngin ömrünün bütün dövrlərini əhatə edən fotoşəkillər verilib.
Kitabın tərtibçi-redaktoru Əməkdar İncəsənət Xadimi, bəstəkar Rəşid Şəfəqdir.
Kitab “Şərq-Qərb” nəşriyyatında yüksək poliqrafik keyfiyyətlə çap edilib. Mədəniyyət və Turizm Nazirliyinin tabeçiliyində olan kütləvi kitabxanalara və aidiyyəti müəssisələrə paylanılacaq.
Bölmənin digər xəbərləri
