NAMİQ ƏLİYEV: OLİMPİADADA İDMANÇILARIMIZDAN YÜKSƏK NƏTİCƏLƏR GÖZLƏYİRİK
AZƏRTAC xəbər verir ki, bunu aprelin 10-da Azərbaycan Güləş Federasiyasının birinci vitse-prezidenti Namiq Əliyev “Excelsior” mehmanxanasında keçirilmiş mətbuat konfransında bildirmişdir.
Tədbirdən əvvəl idmançılarımızın Avropa çempionatında çıxışı ilə bağlı klip nümayiş olunmuşdur. N.Əliyev Avropa çempionatının Azərbaycanın güləş tarixində xüsusi yer tutduğunu xatırladaraq, ilk dəfə yığmamızın qazandığı 7 medal bu idman növündə məqsədyonlü şəkildə görülən işin bəhrəsi olduğunu söyləmişdir.
“Biz bütün çəki dərəcələrində lisenziyalar qazanacağıq. Avropa çempionatında göstərilən nəticə bunu deməyə əsas verir,” - deyə federasiyanın birinci vitse-prezidenti vurğulamışdır.
O, Azərbaycanın qadınlardan ibarət yığma komandasının ilk dəfə üçüncü yeri tutmasını yüksək nəticə kimi dəyərləndirmişdir. Həmçinin Azərbaycan çempionatlarında güclü rəqabətin nəticəsində gələcəkdə yığma komandada yerli idmançıların sayının legionerləri üstələyəcəyi vurğulanmışdır.
Mətbuat konfransında sərbəst və yunan-Roma güləşi üzrə yığma komandaların baş məşqçiləri Maqomedxan Aratsilov, Elçin Cəfərov, qadınlardan ibarət yığmann çalışdırıcısı Nazim Əlicanov, Milli Olimpiya Komitəsini vitse-prezidenti Xəzər İsayev iştirak edirdilər.
Bölmənin digər xəbərləri
