NARKOMANLIĞA VƏ NARKOTİK VASİTƏLƏRİN QANUNSUZ DÖVRİYYƏSİNƏ QARŞI MÜBARİZƏ DAVAM EDİR
Həmin dövrdə ayrı-ayrı şəxslərdən 14 kiloqramdan artıq narkotik vasitə, psixotrop maddələr, prekursorlar, o cümlədən 1kiloqram 307 qram heroin, 400 qramdan artıq tiryək, 69 qrama yaxın həşiş, 12 kiloqramdan artıq marixuana, 253 qram sirkə anhidridi götürülmüşdür.
Hüquq mühafizə orqanları əsas diqqəti yenə də narkotik vasitələrin qanunsuz dövriyyəsinə qarşı mübarizəyə, daxilolma mənbələrinin aşkar edilməsinə yönəltmişlər ki, bu da öz müsbət nəticəsini verir.
İki ay ərzində bu növ cinayətlər törətdiyinə görə 392 şəxs, o cümlədən 15 nəfər xarici vətəndaş yaxalanmış və məsuliyyətə cəlb olunmuşdur. Əcnəbilərdən 10-u Gürcüstan, 3-ü İran İslam Respublikası, 1-i Əfqanıstan, 1-i isə Rusiya Federasiyasının vətəndaşıdır.
Ölkə ərazisində narkomanlıqla mübarizə işi davam edir.
