Narkotiklərin qanunsuz dövriyyəsi ilə məşğul olan keçmiş məhkumun axtarışda olduğu müəyyənləşib
Bakı, 15 aprel, AZƏRTAC
Daxili işlər orqanlarının əməkdaşları narkotik vasitələrin qanunsuz dövriyyəsinə qarşı mübarizə tədbirlərini qətiyyətlə davam etdirirlər.
Daxili İşlər Nazirliyinin mətbuat xidmətindən AZƏRTAC-a bildiriblər ki, narkotiklərin qanunsuz dövriyyəsində şübhəli bilinən Bakı şəhər sakini, əvvəllər məhkum olunmuş D.Balaşov Nəqliyyatda Baş Polis İdarəsi əməkdaşlarının əldə edilmiş məlumat əsasında keçirdikləri əməliyyat tədbirləri nəticəsində saxlanılıb. Şəxsi axtarış zamanı ondan 480 qram marixuana aşkar edilərək götürülüb.
Araşdırmalarla D.Balaşovun borclu şəxs qismində axtarışda olması da müəyyən edilib.
Bölmənin digər xəbərləri
