NAXÇIVANDA GƏLƏN İLİN MƏHSULU ÜÇÜN 33 MİN HEKTARDAN ARTIQ TAXIL ƏKİLMİŞDİR
Naxçıvan Muxtar Respublikasında taxılçılıq əsas strateji sahə sayılır.
AZƏRTAC xəbər verir ki, sahənin inkişafı üçün məhsul istehsalçılarına diqqət və qayğı göstərilir. Belə ki, 2008-ci ilin on bir ayında taxılçı fermerlərə 1 milyon 378 min manat məbləğində kredit verilmişdir.
Qeyd edək ki, bölgədə 2009-cu ilin məhsulu üçün 33 min 441 hektar sahədə taxıl əkilmişdir. Bunun 30 min 50 hektarı buğdadır.
Cari ildə dənli və dənli paxlalı bitkilərin əkin sahələrindən 87 min 305 ton məhsul yığılmışdır. Bu, əvvəlki illə müqayisədə 8 min 397 ton, yaxud 11 faiz çoxdur.
Bölmənin digər xəbərləri
