NAXÇIVANDA KƏND TƏSƏRRÜFATI MƏHSULLARI İSTEHSALÇILARINA ŞƏRAİT YARADILIR
AZƏRTAC xəbər verir ki, «2008-2015-ci illərdə Naxçıvan Muxtar Respublikasında əhalinin ərzaq məhsulları ilə etibarlı təminatına dair Dövlət Proqramı» kənd təsərrüfatı məhsullarının istehsalının artırılmasında yeni istiqamətləri müəyyənləşdirmişdir. Digər tərəfdən, son illər muxtar respublikada kənd təsərrüfatı məhsullarının emalı ilə məşğul olan bir sıra yeni müəssisələrin yaradılması, məhsul istehsalçılarına dövlət maliyyə dəstəyinin göstərilməsi, güzəştli şərtlərlə gübrə satışının təşkili, məhsulun satışı üçün yarmarkaların keçirilməsi aqrar sahədə istehsalın həcminin ildən-ilə artmasına səbəb olmuşdur.
Yola saldığımız ilin on bir ayı ərzində muxtar respublikada fəaliyyət göstərən bank və kredit təşkilatları tərəfindən kənd təsərrüfatı məhsulları istehsalçılarına 4 milyon 528 min manatdan çox kredit verilmişdir.
Bölmənin digər xəbərləri
