Naxçıvanda mədəniyyət müəssisələri üçün musiqi alətləri alınacaq
Naxçıvan, 27 fevral, AZƏRTAC
“Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”nın 2025–2027-ci illər üzrə Təfsilatlı Tədbirlər planında öz əksini tapmış layihələr, habelə investisiya layihələri Naxçıvan Muxtar Respublikasının Mədəniyyət Nazirliyi tərəfindən diqqətdə saxlanılır.
Mədəniyyət Nazirliyinin mətbuat xidmətindən AZƏRTAC-ın bölgə müxbirinə bildirilib ki, Dövlət Proqramının icrası ilə bağlı nazirlik tərəfindən müvafiq işlər həyata keçirilir. Belə ki, Mədəniyyət Nazirliyinin tabeliyində fəaliyyət göstərən Dövlət teatr və konsert müəssisələrinin, uşaq musiqi məktəblərinin maddi-texniki bazasının gücləndirilməsi, tələbatın müasir standartlara uyğun qurulması məqsədi ilə 26 adda musiqi alətinin alınması üçün müqavilə bağlanılıb.
Bölmənin digər xəbərləri
