Nayrobidə plastik kütlələrlə çirkləndirilməyə dair danışıqlar gedir
Bakı, 14 noyabr, AZƏRTAC
Keniyanın paytaxtı Nayrobidə plastik kütlələrlə çirkləndirilməyə qarşı (o cümlədən dəniz mühitində) mübarizə haqqında məcburi hüquqi qüvvəyə malik beynəlxalq müqavilənin işlənib hazırlanması üzrə danışıqların növbəti mərhələsi başlayıb.
AZƏRTAC bu barədə BMT-nin saytına istinadla xəbər verir.
Hər il bəşəriyyət 430 milyon ton plastik kütlə istehsal edir, bu həcmin üçdə iki hissəsi zibilə çevrilərək, torpağa, dənizə, havaya hopur, getdikcə daha çox qida məhsullarına düşür. Plastik kütlə sağlamlığa, ətraf mühitə və iqlimə böyük təhlükə doğurur. Plastik çirkləndirmənin vurduğu illik sosial və iqtisadi ziyan 300 milyarddan 600 milyard dollaradək qiymətləndirilir. Bununla yanaşı, istehsal həcmi artmaqdadır, əgər tədbir görülməzsə, yaxın 20 ildə ikiqat arta bilər. BMT-nin Ətraf Mühit Proqramında ümidvardırlar ki, layihə 2024-cü ilin sonlarına hazır olacaq.
Bölmənin digər xəbərləri
