Bakı, 4 oktyabr, AZƏRTAC

Beynəlxalq Astronavtika Konqresində çox mühüm müzakirələr aparıldı. Bu tədbirin türk dövlətlərinin kosmik sahədə imkanlarını müəyyənləşdirməyə və inkişaf etdirməyə imkan verəcək.

Bu fikirləri AZƏRTAC-a məxsusi müsahibəsində Türkiyənin sənaye və texnologiyalar nazirinin müavini Ahmet Yozqatlıgil səsləndirib.

“Türkiyə digər sahələrdə olduğu kimi, kosmik fəzanın öyrənilməsində də tədqiqatlarını davam etdirir. Ötən aylarda Türk Dövlətləri Təşkilatının üzvü olan ölkələrin gəncləri Türkiyədə bir araya gəldilər. Bu sahədə gənclərimizin maraqları bizim üçün çox önəmlidir”, - deyə Ahmet Yozqatlıgil qeyd edib

“Azərkosmos”la birgə layihələrin olduğunu və bu istiqamətdə əməkdaşlığın davam etdirildiyini söyləyən nazir müavini bildirib: “Biz gələcəkdə digər türkdilli ölkələrlə də işbirliyimizi artıracağıq. Kosmik sahədə də əməkdaşlığımızı inkişaf etdirəcək və möhkəmləndirəcəyik. Birliyimizi bütün dünyaya bir daha sübut edəcəyik”.