NAZİRLƏR KABİNETİNDƏ GÖRÜŞ
A.Rasizadə vurğulamışdır ki, Rusiya Müdafiə Nazirliyinin belə mötəbər nümayəndə heyətinin səfəri qarşılıqlı surətdə faydalı Azərbaycan-Rusiya münasibətlərinin inkişafına və dərinləşməsinə daha bir töhfə olacaqdır. Azərbaycan hökumətinin başçısı ikitərəfli iqtisadi əlaqələrin dinamikasından danışaraq demişdir ki, ölkələrimiz arasında əmtəə dövriyyəsi 2005-ci ildə bir milyard dolları keçmişdir və bu göstərici artmaqdadır. Baş nazir bildirmişdir ki, Azərbaycanda Rusiya ilinin rəsmi açılış mərasimini səbirsizliklə gözləyirlər. Nəzərdə tutulduğuna görə, mərasimdə Prezident Vladimir Putin də iştirak edəcəkdir.
Azərbaycanla Rusiya arasında həll edilməmiş problemlər olmadığını vurğulayan Baş nazir qonaqlara ölkəmizdə iqtisadi vəziyyət, habelə Ermənistan-Azərbaycan, Dağlıq Qarabağ münaqişəsinin nizama salınması yolları barədə məlumat vermişdir.
Sergey İvanov Azərbaycan-Rusiya əlaqələrinin səviyyəsini yüksək qiymətləndirərək demişdir ki, digər MDB ölkələrindən fərqli olaraq, Azərbaycanda rus dilinə hörmətcil münasibət hökm sürür. O, ikitərəfli hərbi-texniki əməkdaşlıqdan danışarkən bildirmişdir ki, Azərbaycanın Qəbələ radiolokasiya stansiyasını Rusiyaya uzunmüddətli icarəyə verməsi onun ölkəsinin təhlükəsizliyinin ümumi sisteminin güclənməsinə köməkdir.
S.İvanov azərbaycanlı həmkarı ilə danışıqları barədə də məlumat vermişdir.
Bölmənin digər xəbərləri
