NBA: “Minnesota Timbervulvz” seriyanı bərabərləşdirib
Bakı, 17 may, AZƏRTAC
Milli Basketbol Assosiasiyasında (NBA) pley-off mərhələsinin oyunları davam edir.
AZƏRTAC xəbər verir ki, Qərb konfransında “Minnesota Timbervulvz” doğma meydanda “Denver Naggets”i qəbul edib. Görüşdən 115:70 hesablı qələbə ilə ayrılan ev sahibləri seriyanı bərabərləşdiriblər – 3:3.
Matçda ən çox xal toplayan basketbolçu “Minnesota Timbervulvz”un heyətində 27 xal, 4 ribaund və 4 məhsuldar ötürmə ilə oynayan Entoni Edvards olub. Rəqibdə isə Nikola Cokiç 22 xal, 9 ribaund və 2 məhsuldar ötürmə ilə yadda qalıb.
Qeyd edək ki, komandalar arasında seriyanın sonuncu – 7-ci matçı mayın 19-da keçiriləcək.
Bölmənin digər xəbərləri
