Neftçalada ötən il üzüm bağlarından 419 ton məhsul yığılıb
Neftçala, 10 fevral, Mahir Babayev, AZƏRTAC
Neftçalada üzüm bağları ilbəil genişləndirilir. Hazırda rayonda həyətyanı sahələrlə birlikdə 134,1 hektar üzüm sahəsi vardır. Fermerlər üzüm plantasiyalarından yüksək mənfəət götürdüklərindən sahələrin genişləndirilməsinə böyük maraq göstərirlər. Bunun nəticəsində rayonda üzüm istehsalı get-gedə çoxalır.
Rayon statistika idarəsinin rəisi Şahin Mənəfov AZƏRTAC-ın bölgə müxbirinə bildirib ki, ötən il rayonda 134,1 hektar üzüm bağından 419 ton məhsul tədarük olunub, bu da 2018-ci ildə istehsal olunan üzümdən 111,5 ton və ya 36 faiz çoxdur. Tədarük olunan məhsulun 50 tonu həyətlərdə mövcud olan üzüm tarvarlarından, 369 tonu isə 80 hektar üzüm bağlarından toplanılıb. Yığılan üzümün yarıdan çoxu Aşağı Qaramanlı və Cəngən kəndlərindəki bağlardan toplanıb.
Bölmənin digər xəbərləri
