“Neftçi”: Siz bu il Bakıda uduzan yeganə “Arsenal” deyilsiniz
Bakı, 2 avqust, AZƏRTAC
Bakının “Neftçi” klubu Avropa Liqasının ikinci təsnifat mərhələsinin cavab matçında qələbədən sonra (3:0) sosial şəbəkədə Tulanın “Arsenal” komandasına müraciət edib.
AZƏRTAC xəbər verir ki, Azərbaycan klubunun Twitter səhifəsində yerləşdirilmiş müraciətdə deyilir: “Tulanın “Arsenal” klubu, özünü əzilmiş kimi hissə etmə. Siz bu il Bakıda uduzan yeganə “Arsenal” deyilsiniz. Digəri Londonun “Arsenal” klubudur. Dostlar, sizə yaxşı yol və yumşaq eniş arzulayırıq”.
Xatırladaq ki, Londonun “Arsenal” klubu mayın 29-da Bakıda keçirilən Avropa Liqasının final matçında “Çelsi”yə 1:4 hesabı ilə məğlub olmuşdu.
“Neftçi”nin bu qələbəsi komandanın növbəti mərhələyə vəsiqə almasına imkan verib. Komandamızın növbəti rəqibi İsrailin “Bney Yequda” klubu olacaq. İlk görüş avqustun 8-də Bakıda, cavab matçı isə həmin ayın 15-də Tel-Əvivdə keçiriləcək.
Bölmənin digər xəbərləri
