“Neftçi”nin U-14 komandası “Dəri top” beynəlxalq turnirinə qələbə ilə başlayıb
Bakı, 13 oktyabr, AZƏRTAC
Bakının “Neftçi” futbol klubunun U-14 komandası Rusiyanın Krasnodar şəhərində təşkil olunan “Dəri top” beynəlxalq turnirinə qələbə ilə başlayıb.
AZƏRTAC xəbər verir ki, baş məşqçi Eldəniz Məmmədovun yetirmələri ilk oyunda “Umed” (Düşənbə, Tacikistan) klubunu 3:0 hesabı ilə məğlub ediblər.
On bir komandanın iştirak etdiyi yarışda “Neftçi” ikinci oyununu oktyabrın 14-də “Puls” (Yakutsk, Rusiya) klubuna qarşı keçirəcək. Komandamızın qrupdakı növbəti rəqibləri “Spiru Xaret” (Kişinyov, Moldova), “Nadejda” (Krasnodar, Rusiya) və “Qudauta” (Abxaziya) olacaq.
Turnirə oktyabrın 18-də yekun vurulacaq.
Bölmənin digər xəbərləri
