Nərimanov rayonunda mənzildə meyit tapılıb
Bakı, 24 aprel, AZƏRTAC
Aprelin 23-ü saat 20 radələrində paytaxtın Nərimanov rayonunun Akademik Həsən Əliyev küçəsində yerləşən mənzillərdən birində 1982-ci il təvəllüdlü Namiq İsrafilovun üzərində xəsarət izləri olan meyiti aşkarlanıb.
Rayon prokurorluğundan AZƏRTAC-a bildirilib ki, ilkin araşdırma zamanı zərərçəkmişin qəsdən öldürülməsinə əsaslı şübhələr müəyyənləşdirilib.
Fakta görə Nərimanov Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Hazırda cinayəti törətmiş şəxs və ya şəxslərin müəyyən edilərək məsuliyyətə cəlb olunması istiqamətində istintaq-əməliyyat tədbirləri davam etdirilir.
Bölmənin digər xəbərləri
