Nəsimi rayonunda soyğunçuluq etməkdə şübhəli bilinən əvvəllər məhkum olunmuş şəxs saxlanılıb
Bakı, 7 may, AZƏRTAC
Nəsimi Rayon Polis İdarəsinin 21-ci polis bölməsinə mayın 6-da rayon ərazisində bir nəfərin paytaxt sakini İ.Əhmədovun mobil telefonunu açıq talama yolu aparması barədə məlumat daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, polis əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən paytaxt sakini, əvvəllər məhkum olunmuş O.Abdullayev saxlanılıb.
O.Abdullayevlə bağlı aparılmış tədbirlər nəticəsində onun mayın 5-də daha bir nəfərin mobil telefonunu oğurlaması da müəyyənləşdirilib.
Faktla bağlı rayon polis idarəsi tərəfindən araşdırma aparılır.
Bölmənin digər xəbərləri
