Nigeriyalı nazirlik rəsmisi: Bakı müasir şəhərsalma baxımından çox inkişaf edib
Bakı, 18 may, AZƏRTAC
İlk dəfədir Bakıdayam. Şəhəriniz müasir şəhərsalma baxımından çox inkişaf edib.
Bu sözləri AZƏRTAC-a açıqlamasında Nigeriyanın İşlər Nazirliyinin Tikinti Xidmətləri üzrə direktoru Tomas Adeoye deyib.
Nigeriyalı nazirlik rəsmisi bildirib ki, bu, onun WUF tədbirlərində ilk iştirakı deyil: “Mən Misirdə, Polşada, və BƏƏ-də keçirilən WUF tədbirlərinə də qatılmışam. Tikintidə və şəhərsalmada fəaliyyət göstərdiyimə görə WUF-da hər kəs üçün yaşayış mövzusu mənim üçün olduqca böyük əhəmiyyət kəsb edir. Biz şəhərsalmanı əhatə edən digər vacib sahələrdə təcrübə mübadiləsi aparmaq üçün buradayıq".
“Nigeriyanın problemlərinə gəlincə, bizim 20 milyona yaxın əhalimiz var və biz mənzillərin və elektrik enerjisinin çatışmazlığı ilə üzləşirik. Biz bu çağırışların həllini tapmaq üçün buradayıq”, - deyə o əlavə edib.
Bölmənin digər xəbərləri
