Növbəti iki ildə İtaliyada ÜDM artımının yavaşlayacağı gözlənilir
Roma, 30 noyabr, AZƏRTAC
2024-2025-ci illərdə İtaliyada ümumi daxili məhsul istehsalındakı artımın yavaşlayacağı proqnozlaşdırılır.
AZƏRTAC xəbər verir ki, bu barədə İqtisadi Əməkdaşlıq və İnkişaf Təşkilatının (OECD) hesabatında deyilir.
Məlumata görə, İtaliyanın ÜDM-i bu il və 2024-cü ildə 0,7 faiz, 2025-ci ildə 1,2 faiz artacaq. Ölkədə inflyasiyanın isə cari ildəki 4,6 faizlik göstəricidən gələn il 3,1 faizə, 2025-ci ildə 2,5 faizə enəcəyi gözlənilir. İtaliyada işsizlik səviyyəsi bu il 7,6 faiz, 2024-cü ildə 7,8 faiz, 2025-ci ildə 7,6 faiz təşkil edəcək.
OECD İtaliyaya əsas diqqəti təchizat siyasətinə yönəltməyi, xidmət sektorunda, xüsusilə də biznes xidmətlərində rəqabətin artırılmasını tövsiyə edir.
Qeyd edək ki, cari ildə Avrozonada 0,6 faiz olan ÜDM artımının növbəti ildə 0,9 faizə, 2025-ci ildə 1,5 faizə yüksələcəyi proqnozlaşdırılır.
AZƏRTAC-ın xüsusi müxbiri
Roma
Bölmənin digər xəbərləri
