Noyabrın 9-da Bakı-Sumqayıt istiqamətində qatarlar məhdud sayda fəaliyyət göstərəcək
Bakı, 6 noyabr, AZƏRTAC
9 noyabr - Dövlət Bayrağı Günü Azərbaycanda qeyri-iş günü olduğuna görə həmin gün yalnız bir sıra Bakı-Sumqayıt elektrik qatarları hərəkətdə olacaq.
AZƏRTAC xəbər verir ki, bu barədə “Azərbaycan Dəmir Yolları” QSC-dən məlumat verilib.
Bildirilib ki, noyabrın 9-da Sumqayıtdan saat 07:40-da yola düşən 6606, saat 09:20-də yola düşən 6614, Bakıdan saat 16:55-də yola düşən 6611, saat 17:20-də yola düşən 6613, saat 18:50-də yola düşən 6621 və saat 19:50-də yola düşən 6625 nömrəli qatar fəaliyyət göstərəcək.
Nazirlər Kabinetinin qərarına müvafiq olaraq, 7 və 8 noyabr (şənbə və bazar) günləri qatarlar hərəkətdə olmayacaq.
Bölmənin digər xəbərləri
