NYU-YORK METROSUNDA PARTLAYIŞLAR TÖRƏDİLƏ BİLƏR
ABŞ hüquq mühafizə orqanları nümayəndələrinin sözlərinə görə, bu yaxınlarda İraqın şimal-şərqində, İranla sərhəd yaxınlığında bir neçə üsyançı həbs edilmişdir. Saxlanılanlardan biri istintaq zamanı Nyu-York metrosunun xətlərinə partlayıcı qurğu qoyulması planını açıqlamışdır. Teleşirkət xəbərdarlıq edir ki, partlayıcı qurğular təkcə portfellərdə, yaxud attaşe-keyslərdə deyil, həm də şübhə doğurmayan digər əşyaların, o cümlədən uşaq arabalarının içində də qoyula bilər.
Şəhərin federal hakimiyyət orqanları hazırda bu səksəkəli məlumatı digər kanallar vasitəsilə yoxlayır. Nyu-Yorkun meri Maykl Blumberq şəhər sakinlərini təmkinli olmağa çağıraraq bildirmişdir ki, özü və ailə üzvləri də metrodan istifadə edəcəklər. Şəhərdə yüksək səviyyədə təhlükəsizlik tədbirləri görülür. Bundan əlavə, metro stansiyasına silahlı polis dəstələri göndərilmişdir.
Bölmənin digər xəbərləri
