OANA İCRAİYYƏ KOMİTƏSİNİN BAKI İCLASI YÜKSƏK SƏVİYYƏDƏ KEÇMİŞDİR
Asiya və Sakit Okean Ölkələri Xəbər Agentlikləri Təşkilatı (OANA) İcraiyyə Komitəsinin Bakıda keçirilən 30-cu iclasında iştirak edən İranın İRNA agentliyinin beynəlxalq əlaqələr üzrə direktoru Mortəza Geranqədr AZƏRTAC-a bildirmişdir ki, Azərbaycana ilk səfərindən çox məmnun olmuşdur.
Azərbaycanın son illər sürətlə inkişaf etməsi barədə çox eşitdiyini vurğulayan qonaq, Bakıda bunun canlı şahidi olduğunu qeyd etmişdir.
OANA İcraiyyə Komitəsinin 30-cu iclasının Bakıda AZƏRTAC-ın təşkilatçılığı ilə yüksək səviyyədə keçirilməsindən razılığını bildirən iranlı qonaq qeyd etmişdir ki, bu toplantıda səslənən fikirlər təşkilat daxilində informasiya mübadiləsinin təşkilinə, əməkdaşlığın inkişafına mühüm təsir göstərəcəkdir. İnformasiya agentlikləri OANA-da təmsil olunan ölkələr Yer kürəsinin təqribən 4 milyard sakininin yaşadığı ərazini əhatə edir və belə bir əməkdaşlıq insanların daha düzgün, obyektiv və operativ informasiya təminatına böyük təsir göstərə bilər.
Bölmənin digər xəbərləri
