OKTYABRIN SONUNDA DUBAYDA XİZƏK SÜRMƏYƏ BAŞLAYACAQLAR
AZƏRTAC xarici KİV-lərə istinadla xəbər verir ki, bu ayın sonunda Birləşmiş Ərəb Əmirliklərinin paytaxtı Dubayda xizək stadionu açılacaqdır. Hazırda binanın içərisi +40 dərəcədən –8 dərəcəyədək soyudulur. Bundan sonra 6 tona yaxın süni qar hazırlanmasına başlanacaqdır. Tavandan “yağacaq” süni qarın istehsalı üçün avadanlığın qiyməti 55 milyon dollardır.
Ümumi sahəsi 3 min kvadratmetrə çatacaq Dubay süni qar stadionu dünyada ən iri qış vahəsi olacaqdır. Onun ərazisində həm həvəskarlar, həm də təcrübəli idmançılar üçün xizək yolu, buz meydançaları tikiləcək, asma kanat yolu çəkiləcəkdir.
Bölmənin digər xəbərləri
