ÖLKƏ BASKETBOL ÇEMPİONATININ OYUNLARI KEÇİRİLMİŞDİR

03.04.2006 [20:03]
Çap et
A⁺ A^-

AZƏRTAC xəbər verir ki, Bakı Olimpiya İdman Kompleksində kişilər arasında ölkə basketbol çempionatının IV dövrəsinin dördüncü turunun görüşləri olmuşdur.

Nəticələr belədir: “Azəri”-“Qala” - 58:133, “Qərb Universiteti”- “Aztop”- 75:77. “Binəqədi bələdiyyəsi” komandası bu turda istirahət etmişdir. Hazırda turnir cədvəlində “Qala”nın 30, “Qərb Universiteti”nin 23, “Azəri”nin 22 xalı var.

Sonuncu turun oyunları aprelin 11-də keçiriləcəkdir. Sonra komandalar arasında “play-off” görüşlərinə start veriləcəkdir.

Yeniyetmə oğlanlar arasında ölkə birinciliyi IV dövrəsinin dördüncü turunun da oyunları keçirilmişdir. Nəticələr belədir: Qaradağ rayon UGİM- “Təhsil” RİM – 59:78, “Spartak” İC–Xətai rayon UGİM – 54:63, “Renat” İK- Sabunçu rayon UGİM – 44:40. Xətai rayon UGİM 35 xalla yarış cədvəlinə başçılıq edir. “Təhsil” RİM 32 xalla ikinci, Qaradağ rayon UGİM 31 xalla üçüncü yerdədir.

Gələn həftə keçiriləcək sonuncu turdan asılı olmayaraq, Xətai rayon UGİM vaxtından əvvəl çempion adını qazanmışdır.