Ölkəmizin qida mütəxəssisləri ilə rumıniyalı həmkarları arasında görüş keçirilib
Bakı, 19 fevral, AZƏRTAC
Qida Təhlükəsizliyi Agentliyi və Rumıniyanın Milli Baytarlıq Sanitariyası və Qida Təhlükəsizliyi İdarəsinin nümayəndələri arasında görüş keçirilib.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, görüşdə ikitərəfli əməkdaşlığın genişləndirilməsi, “Azərbaycan Respublikası Hökuməti və Rumıniya Hökuməti arasında ticarət-iqtisadi əlaqələr və elmi-texniki əməkdaşlıq üzrə Müştərək Komissiya iclasının Protokol” müddəalarının, eləcə də baytarlıq-sanitariya və qida təhlükəsizliyi tələbləri, heyvan və heyvan mənşəli məhsullar, qida məhsullarına verilən sertifikatlar və qida məhsullarının izlənilməsi sahəsində müzakirələr aparılıb, hər iki qurumun fəaliyyətini əks etdirən təqdimatlar edilib.
“Azərbaycan Respublikası Hökuməti ilə Rumıniya Hökuməti arasında baytarlıq sahəsində əməkdaşlıq haqqında Saziş”, “Azərbaycan Respublikası Hökuməti ilə Rumıniya Hökuməti arasında qida təhlükəsizliyi sahəsində əməkdaşlıq haqqında Saziş” layihələri haqqında fikir mübadiləsi aparılıb.
Bölmənin digər xəbərləri
