OMBUDSMAN APARATI 20 YANVAR FACİƏSİNİN 20-Cİ İLDÖNÜMÜ İLƏ BAĞLI SİLSİLƏ TƏDBİRLƏR KEÇİRMİŞDİR
Bakı, 19 yanvar (AZƏRTAC). Sovet imperiyasının Azərbaycana qarşı soyqırımı siyasətinin tərkib hissəsini təşkil edən, insan hüquq və azadlıqlarının kütləvi pozulması ilə nəticələnmiş 20 Yanvar faciəsi XX əsrdə insanlığa qarşı törədilmiş zorakılığın, qeyri-insani rəftarın, işgəncələrin ən dəhşətlilərindən biri kimi xalqımızın qan yaddaşında əbədi həkk olunmuşdur.
Bu fikirlər Azərbaycan Respublikasının İnsan Hüquqları üzrə Müvəkkili Aparatında Qanlı 20 Yanvar faciəsinin iyirminci ildönümünə həsr edilmiş yığıncaqda səslənmişdir.
Tədbirdə xalqımızın faciə qurbanlarının milli azadlıq uğrunda nümayiş etdirdiyi birliyi heç vaxt unutmayacağı vurğulanmışdır. Mərasimdə şəhid ailəsini təmsil edən Şövkət Xanməmmədovanın “20-dən 20-yə” adlı kitabının təqdimatı olmuşdur.
Qeyd edək ki, Ombudsman Aparatının Gəncə, Şəki, Quba və Cəlilabad regional mərkəzlərində, eləcə də Qadın və İnkişaf Mərkəzinin Uşaq və Gənclərin Sülh Şəbəkəsi nəzdində fəaliyyət göstərən Liderlik Məktəbində 20 Yanvar faciəsinin ildönümü ilə bağlı tədbirlər keçirilmişdir.
Bölmənin digər xəbərləri
