OMBUDSMAN MİLLİ MƏCLİSƏ TƏKRAR SEÇKİLƏRİ MÜŞAHİDƏ ETMİŞDİR
Ombudsman Aparatından AZƏRTAC-a bildirmişlər ki, müvəkkil Səbail rayonundakı 29 saylı seçki dairəsində dairə seçki komissiyasının sədri Şükür Əlizadə ilə görüşmüş və seçki prosesi ilə tanış olmuşdur.
Müvəkkil günün müxtəlif vaxtlarında seçki məntəqələrinə gələrək verilmiş məlumatlarla, seçki prosesinin gedişi, əhalinin fəallığı, seçici siyahılarında olan çatışmazlıqlarla, müşahidəçilər üçün zəruri şəraitin yaradılması ilə maraqlanmışdır.
Daha sonra E.Süleymanova bilavasitə bir neçə seçki məntəqəsində səsvermə prosesini izləmiş, məntəqə seçki komissiyası üzvlərinin, namizədlərin vəkillərinin, siyasi partiyaları və başqa ictimai təşkilatları təmsil edən müşahidəçilərin, həmin məntəqələrə gələn seçicilərin seçkilərin gedişi haqqında rəyini öyrənmişdir. Məlum olmuşdur ki, seçkilər tam qanunauyğun şəkildə keçirilmiş və hər hansı bir ciddi qanun pozuntusu müşahidə edilməmişdir.
Bölmənin digər xəbərləri
