Ombudsmanın regional mərkəzləri tərəfindən hüquqi maarifləndirici tədbirlər keçirilib
Bakı, 11 dekabr, AZƏRTAC
Azərbaycan Respublikasının İnsan hüquqları üzrə müvəkkilinin (ombudsmanın) Şimal, Cənub, Qərb və Şimal-Qərb regional mərkəzləri tərəfindən 10 Dekabr – Beynəlxalq İnsan Hüquqları Günü münasibətilə hüquqi maarifləndirici tədbirlər keçirilib.
Bu barədə AZƏRTAC-a Ombudsman Aparatından məlumat verilib.
Tədbirlərdə Beynəlxalq İnsan Hüquqları Gününün mahiyyəti, insan hüquqları sahəsində mövcud olan universal normalar haqqında ətraflı məlumat verilib, 1948-ci il dekabrın 10-da BMT Baş Məclisi tərəfindən Ümumdünya İnsan Hüquqları Bəyannaməsinin qəbul edildiyi iştirakçıların diqqətinə çatdırılıb.
Bildirilib ki, dövlət müstəqilliyini bərpa edən Azərbaycanın milli qanunvericiliyi məhz bu mühüm sənəddə nəzərdə tutulan prinsiplər əsasında formalaşdırılıb, Konstitusiyanın “Əsas insan və vətəndaş hüquqları və azadlıqları” adlanan 48 maddədən ibarət III fəslinin bütün mətni insan hüquqlarına hörmət ruhunda yazılıb.
Tədbirlərdə, həmçinin mövzu üzrə müzakirələr aparılıb, iştirakçıları maraqlandıran suallar cavablandırılıb.
Bölmənin digər xəbərləri
