ORTA ASİYADA VƏ QAFQAZDA HEYVANDARLIĞIN İNKİŞAFI MƏSƏLƏLƏRİ MÜZAKİRƏ OLUNMUŞDUR
Azərbaycanı Kənd Təsərrüfatı Nazirliyinin heyvandarlıq, damazlıq və otlaqlar baş idarəsinin rəisi Çingiz Fərəcov təmsil etmişdir.
Konfransda bu ölkələrdə heyvandarlığın vəziyyəti, otlaqlardan səmərəli istifadə olunması, habelə heyvanların cins tərkibinin getdikcə pisləşməsi, məhsuldarlığın aşağı düşməsi və bunlardan çıxış yolları və s. məsələlər müzakirə olunmuşdur.
Çingiz Fərəcov AZƏRTAC-ın müxbirinə demişdir ki, mən çıxışımda Azərbaycanda sıradan çıxmış otlaqların bərpa edilməsi, camışçılığın cins tərkibinin yaxşılaşdırılması və başqa məsələlərə toxundum. Bildirdim ki, Hindistandakı “Murra” cinsli camışlar çox məhsuldardır və onları Azərbaycan şəraitində bəsləmək faydalı olar. Bu camışlar ildə 3 min kiloqram süd verir. Halbuki, Azərbaycandakı ən məhsuldar camışdan 700 kiloqram süd sağılır. Bu təklif konfrans iştirakçıları tərəfindən bəyənildi.
Bölmənin digər xəbərləri
