ÖTƏN 5 AYDA QAZ HASİLATI 37 FAİZ ARTMIŞDIR
AZƏRTAC xəbər verir ki, ötən 5 ayda Azərbaycanda 2 milyard 853,2 milyon kubmetr qaz hasil edilmişdir ki, bu da keçən ilin eyni dövrü ilə müqayisədə 779,5 milyon kubmetr çoxdur (artım 37,4 faiz). Proqnozdan əlavə 62,7 milyon kubmetr qaz hasil edilmişdir. Bu isə gün ərzində 19 milyon kubmetr qazın hasil edilməsi deməkdir. İlin əvvəlindən dövlətə 2 milyard 511,6 milyon kubmetr qaz təhvil verilmişdir. Bu, ötən ilin eyni dövrü ilə müqayisədə 753 milyon kubmetr çoxdur (artım 42,8 faiz). İstehlakçılar gündə orta hesabla 16,7 milyon kubmetr qaz alırlar.
Bölmənin digər xəbərləri
