Ötən ay 65 nəfərə elmi dərəcə verilib
Bakı, 3 may, AZƏRTAC
Aprel ayında elmi dərəcə və elmi ad verilmiş, yaxud verilməsindən imtina edilmiş iddiaçıların sayı açıqlanıb.
Prezident yanında Ali Attestasiya Komissiyasından AZƏRTAC-a bildirilib ki, ötən ay 53 nəfərə fəlsəfə doktoru, 12 nəfərə elmlər doktoru dərəcəsi verilib. Həmin müddətdə fəlsəfə doktoru elmi dərəcəsi almaq istəyən 30 nəfərə, elmlər doktoru dərəcəsi almaq istəyən 5 nəfərə imtina cavabı gəlib.
Aprel ayı ərzində 16 nəfərə dosent, 4 nəfərə professor elmi adı verilib. Dosent elmi adı almaq istəyən 5 nəfərə, professor elmi adı almaq istəyən 1 nəfərə isə imtina verilib.
Nostrifikasiya və təkrar attestasiyadan keçən 3 nəfərə fəlsəfə doktoru adı verilib.
Bölmənin digər xəbərləri
