Ötən həftə 191 mina və 525 partlamamış hərbi sursat zərərsizləşdirilib
Bakı, 22 dekabr, AZƏRTAC
Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə minatəmizləmə fəaliyyətinə cəlb olunmuş qurumlar tərəfindən 15-21 dekabrda icra edilən minatəmizləmə əməliyyatlarına dair məlumat açıqlayıb.
ANAMA-dan AZƏRTAC-a bildirilib ki, ötən həftə Tərtər, Ağdərə, Kəlbəcər, Ağdam, Xocalı, Xankəndi, Xocavənd, Laçın, Şuşa, Füzuli, Qubadlı, Cəbrayıl və Zəngilanda aparılmış minatəmizləmə əməliyyatları zamanı piyadaəleyhinə 145, tankəleyhinə 46 mina və 525 partlamamış hərbi sursat aşkarlanaraq zərərsizləşdirilib.
Həmçinin 1299 hektar ərazi mina və partlamamış hərbi sursatdan təmizlənib.
Bölmənin digər xəbərləri
