Ötən il ölkədə 609 intihar hadisəsi qeydə alınıb
Bakı, 25 oktyabr, AZƏRTAC
2022-ci ildə Ədliyyə Nazirliyi tərəfindən 609 intihar hadisəsi qeydə alınıb.
AZƏRTAC xəbər verir ki, bu, oktyabrın 25-də Milli Məclisdə müzakirə edilən Azərbaycan Respublikası Ailə, Qadın və Uşaq Problemləri üzrə Dövlət Komitəsinin 2022-ci il üzrə hesabatında əksini tapıb.
Bildirilib ki, intihar edən şəxslərdən 457-si kişi, 152-si qadın, o cümlədən 42-si yetkinlik yaşına çatmayan şəxslər olub. İntiharlar həm cəmiyyətimiz, həm də dövlətimiz üçün çox həssas mövzudur. Komitə bununla bağlı araşdırmalar aparır, insanları bu vəziyyətə sövq edən səbəbləri aşkar etmək üçün dünya statistikasını təhlil edir və bu təhlil əsasında intiharların qarşısının alınması istiqamətində profilaktik işlər görür.
Bölmənin digər xəbərləri
