Ötən il Serbiyadan 100 mindən çox miqrant keçib
Belqrad, 6 yanvar, AZƏRTAC
Keçən il ərzində Serbiya ərazisindən 107 min miqrant keçib.
AZƏRTAC xəbər verir ki, Serbiyanın Qaçqınlar üzrə Komissarlığının məlumatına görə, hazırda ölkə ərazisində 4000-dək immiqrant var və onların əksəriyyəti suriyalıdır. 2023-cü ildə ölkəyə gələn immiqrantların təxminən yarısı Suriya vətəndaşı olub, sonrakı yerlərdə Əfqanıstan, Pakistan, İran və digər ölkələrin vətəndaşları var.
Qərbi Balkan regionunda mümkün miqrasiya yollarının Albaniya və Monteneqrodan Xorvatiyaya, Serbiyanın cənub bölgələrindən keçərək Bosniya və Herseqovinaya, ölkənin cənub və şərq bölgələrindən isə Xorvatiya, Macarıstan və Bosniya və Herseqovina istiqamətində olduğu bildirilib.
Ötən il insan alverinin artmasının isə Macarıstanın qaçqınlarla bağlı qərarları, həmçinin Avstriya, Macarıstan və Serbiya arasında əldə olunan razılaşma çərçivəsində Macarıstan sərhədindəki nəzarətin azaldılması və miqrant yükünün başqa istiqamətlərə yönəldilməsi göstərilir.
Bundan başqa, son on ildə Serbiya ərazisindən 1,5 milyondan çox immiqrantın keçdiyi açıqlanıb.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
