Özbəkistanın sharh.uz xəbər agentliyinin saytında Azərbaycan haqqında yazı yerləşdirilib

04.09.2014 [19:34]
Çap et
A⁺ A^-

Daşkənd, 4 sentyabr (AZƏRTAC). Azərbaycanın Özbəkistandakı səfirliyi və səfirliyin nəzdindəki Heydər Əliyev adına Azərbaycan Mədəniyyət Mərkəzinin təşəbbüsü ilə Daşkənddəki aparıcı sharh.uz xəbər agentliyinin saytında Azərbaycan Prezidenti İlham Əliyevin Türkiyə Prezidenti Rəcəb Tayyib Ərdoğan ilə görüşü, Ermənistan-Azərbaycan, Dağlıq Qarabağ münaqişəsi haqqında özbək dilində material verilib.

Məqalədə yüksək səviyyədə olan Türkiyə-Azərbaycan münasibətləri, Ermənistanın Azərbaycana təcavüzü, Azərbaycan torpaqlarının 20 faizinin bu günədək işğal altında qalması, regionda etnik təmizləmə siyasətinin aparılması, işğalın aradan qaldırılması ilə bağlı BMT-nin Təhlükəsizlik Şurasının qəbul etdiyi qətnamələrin Ermənistan tərəfindən yerinə yetirilməməsi, işğalçı dövlətin tutduğu qeyri-konstruktiv mövqe səbəbindən problemin sülh yolu ilə həllinin mümkün olmaması və digər məsələlər haqqında Azərbaycan Prezidenti İlham Əliyevin fikirləri öz əksini tapıb.

Materiala bu linkdən baxmaq olar: http://sharh.uz/analitika/item/2057-erdogan-azerbeydjan

Qulu Kəngərli

AZƏRTAC-ın xüsusi müxbiri

Daşkənd